Programa

A empresa EMS (Sistemas de Monitorización Medioambiental S.L.U.) e Sea-Bird Scientific organizan un encontro cos seus usuarios no IIM-CSIC para explorar as súas necesidades no ámbito da recollida, monitorización e análise de datos.

O programa incluirá distintos espazos de debate e interacción co público, así como unha breve visita ás instalacións do Instituto de Investigacións Mariñas.

Procedemento de rexistro

Ás persoas interesadas en asistir pídeselles que envíen un correo electrónico co seu nome, apelidos e institución a Mariña Amo Seco (amoseco@iim.csic.es), con copia a Mònica Filella (ems@ems-sistemas.com).

Ás persoas asistentes de fóra do IIM-CSIC pediráselles un documento de identificación válido á chegada.