Ecoloxía e Biodiversidade Mariña
A nosa misión é comprender o papel da biota no funcionamento dos ecosistemas mariños, nun contexto de cambio global e saúde compartida
O grupo de Ecoloxía e Biodiversidade Mariña (Ecobiomar) estuda a diversidade biolóxica dos ecosistemas mariños, centrando as súas liñas de investigación no estudo de especies enxeñeiras (zooplancto), emblemáticas (cefalópodos) e patóxenas (parasitos), así como naquela biodiversidade ambiental críptica que xoga un papel importante na estabilidade do ecosistema.
En este marco conceptual, Ecobiomar traballa en varios paradigmas da investigación mariña actual, como a dinámica do acoplamento oceanografía-biota nun contexto de cambio climático, as interaccións entre fenología e comportamento de especies, a significancia das relacións simbióticas na xestión do recurso e a relevancia do enfoque “One Health” na xestión da saúde como elemento transversal en todas as políticas da UE.
En definitiva, Ecobiomar traballa para vigilar e garantizar a sostibilidade e saúde dos ecosistemas mariños e os seus servizos. Para iso, desenvolve un enfoque transversal e multidisciplinar que se apoia na Ecoloxía como base do coñecemento científico, abarcando desde a observación submarina na natureza ata as tecnoloxías -ómicas no laboratorio. Desenvolve desta maneira un programa de investigación aliñado cos retos científicos e sociais a nivel académico, institucional e de políticas públicas.
Membros
Angel Francisco Gonzalez Gonzalez
Elvira Abollo Rodriguez
Javier Tamame Gonzalez
Jorge Hernandez Urcera
Jose Manuel Antonio Duran
Lara Garcia Alves
Maria Del Mar Gonzalez Garcia
Maria Helena Rodriguez Dominguez
Raquel Rios Castro
