Somos conscientes de que a investigación animal xoga un papel fundamental no coñecemento dos mecanismos biolóxicos que están involucrados nas enfermidades e no desenvolvemento de tratamentos médicos.
Sen o uso de animais, non dispoñeríamos da maioría dos medicamentos, antibióticos, vacinas e técnicas cirúrxicas que se aplican en medicina humana e veterinaria. Con todo, é necesario que a experimentación con animais estea estritamente controlada por mecanismos que garantan o máximo benestar posible dos animais criados e utilizados nos nosos proxectos de investigación.
En cumprimento da normativa exigida polo RD 53/2013, de 8 de febrero de 2013, o Comité de Experimentación e Benestar Animal (OEBA) do Instituto de Investigacións Mariñas de Vigo é responsable do benestar dos animais do IIM. A composición do comité está regulada polo mesmo Real Decreto e conta cun servizo de Consultoría Veterinaria con capacitación para as categorías e e f (ver máis abaixo). Ademais, o Órgano adheriuse ao Acuerdo de transparencia sobre o uso de animais en experimentación, promovido desde a Confederación de Sociedades Científicas de España (COSCE), coa colaboración da Asociación Europea para a Investigación Animal (EARA, polas súas siglas en inglés), e publicado o 20 de setembro de 2016.
O OEBA garante o cumprimento deste acordo e o control do benestar e do correcto uso dos recursos animais do centro dedicados á experimentación. Ademais, promove a concienciación da sociedade acerca da realidade da experimentación animal no IIM-CSIC, abrindo as súas portas a visitas escolares e doutros grupos.