Evento no sitio web de Zeiss

Rexístrate para asistir en liña

O mércores 12 de xuño, ás 10:00 h recibiremos no Instituto de Investigacións Mariñas representantes da empresa ZEISS, que presentarán as posibilidades do novo equipamento de microscopía de fluorescencia do IIM-CSIC, o Lighsheet LS7, xestionado polo noso Servizo de Microscopía Óptica e Análise de Imaxe. O equipamento foi adquirido grazas ao apoio da Axencia Estatal de Investigación (AEI).

A presentación transmitirase en liña, con rexistro previo na páxina web de Zeiss, e presencialmente no Salón de Actos do IIM-CSIC (R/ Eduardo Cabello, 6 – Vigo, Pontevedra). A sesión desenvolverase en castelán.

O Lightsheet LS7

O equipamento de microscopía de fluorescencia de folla de luz (LSFM) está dispoñible para o seu uso por toda a comunidade científica e técnica, sexa ou non persoal do CSIC.

Este tipo de microscopía é ideal para obter imaxes rápidas e suaves de organismos vivos, tecidos completos e células modelo mentres se desenvolven durante períodos prolongados. Ademais, permite obter imaxes completas de grandes exemplares, opticamente limpas e con resolución subcelular. As ópticas dedicadas, cámaras de mostra e soportes permiten adaptarse ao índice de refracción do método de compensación escollido.

A análise de imaxes converteuse no colo de botella de moitos laboratorios, xa que a tecnoloxía innovadora de imaxe permite xerar contidos 2D/3D/4D impresionantes a velocidades moi elevadas, o que produce grandes conxuntos de datos. ZEISS arivis Pro é un software modular de análise de imaxes para traballar con imaxes multicanle 2D, 3D e 4D de tamaño practicamente ilimitado. Con ZEISS arivis Pro é sinxelo crear fluxos automatizados de análise de imaxes de principio a fin, utilizar fluxos predefinidos para casos de uso habituais ou crear fluxos propios mediante a súa interface de premer e executar.

Poñentes

No evento participará tanto persoal da empresa ZEISS como persoal do noso Servizo de Microscopía Óptica e Análise de Imaxe:

• Jacques Paysan (ZEISS) e Verona Villar (Carl Zeiss Iberia)
• Lucía Sánchez Ruiloba (IIM-CSIC)