NO  INSTITUTO  DE  INVESTIGACIÓNS  MARIÑAS,  BUSCAMOS  A  COLABORACIÓN  CIDADÁ NO PROXECTO DE INVESTIGACIÓN IGENTAC.
SE ESTÁS EN GALICIA, MERGULLAS OU PESCAS  E TES UNHA CÁMARA, PODES SUMARTE AO PROXECTO!  INTERÉSACHE?

O proxecto iGENTAC pretende contribuír á monitorización de especies costeiras desenvolvendo   ferramentas   minimamente   invasivas   que   permitan   distinguir   entre exemplares dunha mesma especie.

Para desenvolver e probar o sistema de fotoidentificación con intelixencia artificial, escolleuse a raia mosaico, Raja undulata, como especie obxectivo. Isto débese a que presenta un patrón de coloración moi recoñecible e fácil de rexistrar mediante fotografías, xa sexa no seu medio natural ou unha vez capturada. Para  crear  unha  base  de  datos  de  imaxes  dixitais  que  alimenten  os  algoritmos  de  recoñecemento empregados para discriminar entre individuos, necesítase a colaboración cidadá. 

Pescas ou practicas algún tipo de actividade subacuática? Animaríaste a fotografar ou gravar a raia mosaico se a localizas? Tes fotografías, vídeos ou observacións de recapturas de raia mosaico?