Comité de Ética e Integridade Científica
Para que a ciencia que se produce no IIM-CSIC teña un impacto positivo, garantindo a súa calidade e excelencia, é preciso contar coa responsabilidade e conduta íntegra de todas as persoas que interveñen no proceso científico.
Tal e como se defende no Portal de Ética e Integridade Científica do CSIC, a integridade na investigación implica a vixilancia e promoción dos principios éticos e as responsabilidades profesionais no exercicio da investigación, que inspiran e garanten as boas prácticas científicas.
Aínda que seguen a ser difíciles de definir, os conceptos de "ética" e "integridade" na ciencia están modelados por unha variedade de mandatos e acordos entre diferentes individuos e institucións en todo o mundo.
O Comité de Ética e Integridade Científica (tamén coñecido como CIEC) traballa no IIM-CSIC seguindo as directrices proporcionadas pola Declaración Nacional de Integridade Científica (2015; asinada pola COSCE, a CRUE e o CSIC) e polo Código de Boas Prácticas Científicas do Consello (2021) para asegurar a integridade do noso traballo e evitar condutas indebidas que atenten contra a imparcialidade e fiabilidade dos nosos resultados, impidan o debido recoñecemento do traballo das nosas compañeiras e dos nosos compañeiros e freen o progreso da investigación científica e o seu impacto na sociedade, esforzándose por garantir que ninguén fica atrás.
Ademais de manter a "integridade científica", o noso traballo tamén pretende ser "ético", dentro do eido da bioética. A bioética no CSIC implica actuacións en catro áreas principais: a investigación con seres humanos ou con mostras ou datos sobre eles; a investigación con animais; a investigación con organismos modificados xeneticamente (OMG) e a investigación con axentes biolóxicos que poidan supor un risco para a sociedade e para o medio ambiente. Xunto co noso Comité de Bioseguridade, o Comité de Ética e Integridade do IIM-CSIC traballa para velar por estes asuntos éticos, dende o respecto á condición, dignidade e autonomía humana e a protección e confidencialidade dos datos persoais ata a protección do benestar animal e a seguridade e sustentabilidade do medio ambiente e dos seres que o habitan.
O Comité conta co apoio do Comite de Ética do CSIC, órgano colexiado que presta apoio á Presidencia do CSIC dende 2013, dando cumprimento ao artigo 17 do Estatuto da Axencia Estatal do CSIC.
Bilingüe en castelán e inglés. Código aprobado polo Consello Superior de Investigacións Científicas (CSIC) que describe un conxunto de boas prácticas científicas.
![Logo do CSIC con fondo vermello](/sites/default/files/styles/evento_teaser/public/2022-01/Xeral%20CSIC%20-%20Temas%20Non%20Espec%C3%ADficos%20IIM.jpg?itok=rormZzIC)
Dispoñible só en castelán. Breve documento publicado polo Comité de Ética do CSIC onde se reflexiona sobre os problemas que xorden ao tentar establecer e comunicar a autoría dunha publicación multidisciplinaria.
O documento expón o problema e ofrece unha serie de recomendacións.
![PDF logo](/sites/default/files/styles/evento_teaser/public/2022-01/PDF%20Xeral.jpg?itok=jgwzrn1x)
![PDF logo](/sites/default/files/styles/evento_teaser/public/2022-01/PDF%20Xeral.jpg?itok=jgwzrn1x)