Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Biological Systems and Process

Biotecnoloxía

A biotecnoloxía está a experimentar unha rápida aceleración grazas aos avances nas técnicas -ómicas e na capacidade de computación, que nos permiten entender mellor como aproveitar a maquinaria da natureza para o ben da humanidade. A biotecnoloxía é unha disciplina moi ampla que explota procesos biolóxicos, células ou organismos para desenvolver novas tecnoloxías e ten aplicacións que van dende a agricultura e acuicultura ata a produción de alimentos, os procesos industriais ou a medicina.

Debido a esta ampla gama de aplicacións, a biotecnoloxía adoita clasificarse segundo un código de cores de acordo aos seus catro eidos de aplicación principais. A biotecnoloxía industrial coñécese normalmente como biotecnoloxía branca, mentres que o vermello se reserva para aplicacións médicas, o verde para desenvolvementos relacionados coa agricultura e o azul para aqueles procesos que teñen que ver co medio acuático.

O carácter interdisciplinario do IIM-CSIC permítenos colaborar con distintos sectores para aplicar innovacións biotecnolóxicas que abranguen todo o rango de cores da biotecnoloxía.

A continuación podes ver todas as nosas capacidades e servizos asociados.

 

Grupos de investigación

Capacidades

  • Patente | Péptido de miticina e o seu uso en rexeneración celular
    Biotecnoloxía Nutrición e saúde humana

    Autoría: Antonio Figueras Huerta, María Gasset Vega, Beatriz Novoa García, Magalí Rey Campos, Ricardo Mallavía Marín, Regla María Medina Gali, Alicia Martínez López

    A presente invención refírese a péptidos derivados da miticina C e os seus usos terapéuticos, máis concretamente na rexeneración celular e/ou dos tecidos. Podes ver información máis detallada premendo aquí.

     

    Grupos de investigación relacionados

    Inmunoloxía e Xenómica
  • Patente | Derivados do andrografólido para o seu uso no tratamento de doenzas inflamatorias relacionadas coas citocinas
    Biotecnoloxía Nutrición e saúde humana

    Autoría: Eva María Rivero Buceta; Cristian Smerdou Picazo; Pablo Botella Asunción; Antonio Pineda Lucena; Carla María Vidaurre Agut; Beatriz Novoa; Antonio Figueras Huertas;  José María Benlloch Baviera

    Derivados do andrografólido para o seu uso no tratamento de doenzas inflamatorias relacionadas coas citocinas. Patente pendente de publicación.

     

    Grupos de investigación relacionados

    Inmunoloxía e Xenómica
  • Patente | Derivados do andrografólido para o seu uso no tratamento da COVID-19 e da fibrose pulmonar asociada a ela
    Biotecnoloxía Nutrición e saúde humana

    Autoría: Antonio Pineda Lucena; Carla María Vidaurre Agut; Eva María Rivero Buceta; Jose María Benlloch Baviera; Cristian Smerdou Picazo; Beatriz Novoa; Antonio Figueras Huertas; Pablo Botella Asunción

    Derivados do andrografólido para o seu uso no tratamento da COVID-19 e da fibrose pulmonar asociada a ela. Patente pendente de publicación.

    Grupos de investigación relacionados

    Inmunoloxía e Xenómica
  • Prototipo | Morbidostat: desentrañando a resistencia a axentes antimicrobianos
    Biotecnoloxía

    Morbidostat é un dispositivo de cultivo continuo controlado por ordenador que axusta automaticamente a concentración de fármacos para manter constante a inhibición do crecemento en cultivos microbianos. A medida que as bacterias adquiren mutacións que lles confiren resistencia aos fármacos, son capaces de tolerar meirandes concentracións dos devanditos fármacos e de medrar máis rapidamente, eliminando así a presión selectiva, que é a forza impulsora da evolución. Para compensar este mecanismo, Morbidostat aumenta a concentración do fármaco o suficiente para manter a taxa de crecemento orixinal das bacterias, mantendo así a presión selectiva ao longo do tempo. O sistema permite adquirir datos para modelar a evolución microbiana baixo estrés por axentes antimicrobianos, optimizar as estratexias de dosificación de biocidas e desenvolver cepas de alta resistencia a axentes antimicrobianos utilizadas para analizar a eficacia de novos biocidas, entre outras aplicacións.  

     

    Grupos de investigación relacionados

    Biosistemas e Enxeñaría de Bioprocesos Reciclado e Valorización de Residuos
  • Patente | Procedemento e kit para a identificación das principais especies comerciais de lagostinos e camaróns
    Industria alimentaria 4.0 Nutrición e saúde humana Biotecnoloxía

    Autoría: Lorena Barros Tajes; Isabel Medina; Igancio Ortea; José Manuel Gallardo

    Procedemento e kit para a identificación das principais especies comerciais de lagostinos e camaróns (orden Decápodos) pertencentes ás familias Penaeidae (Penaeus monodon, Farfantepenaeus notialis, Fenneropenaeus indicus, Fenneropenaeus merguiensis, Litopenaeus vannamei), Solenoceridae (Pleoticus muelleri) e Pandalidae (Pandalus borealis) en produtos e subprodutos frescos, refrixerados, conxelados e/ou procesados. Podes ver información máis detallada premendo aquí.

     

     

     

    Grupos de investigación relacionados

    Química de Produtos Mariños

Servizos

Proxectos activos