Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Biological Systems and Process

Economía circular: uso integral de recursos mariños

Se se garante a sustentabilidade do sector do cultivo de peixe e se acada un uso sostible das pesquerías, a nosa sociedade conta cun gran potencial para conseguir unha nutrición saudable e equilibrada para toda a humanidade.

Porén, as limitacións na dispoñibilidade destes recursos requiren dunha explotación máis eficiente que reduza o desbaldo de alimentos a nivel mundial e que engada valor a certos subprodutos industriais que actualmente se consideran refugallos alimentarios.

Por unha banda, os descartes pesqueiros, é dicir, as capturas non desexadas, constitúen unha fonte substancial de refugos que ameaza a explotación sostible e a viabilidade económica das pesquerías. Por outra, a industria do procesamento de produtos do mar xera moitos subprodutos, tales como proteínas, encimas, ácidos graxos e biopolímeros, que decotío se desbotan malia as súas potenciais aplicacións en biotecnoloxía, nutrición, farmacéutica e biomédica.

A nosa investigación dentro desta liña pretende engadir valor a recursos que actualmente se desbotan. Deseñamos e optimizamos procesos e tecnoloxías ecolóxicamente innovadoras para xestionar e pór en valor os descartes pesqueiros e os subprodutos e refugos da industria do procesamento de produtos do mar. Así, podemos obter ingredientes para pensos acuícolas e para consumo humano, xunto con outros compostos de valor engadido medio ou alto que poden ser de interese para os sectores alimentario, cosmético e farmacéutico.

Grupos de investigación

Proxectos activos

Liñas de investigación relacionadas

More
Dentro desta liña de investigación
Grupos de investigación Proxectos de investigación Liñas de investigación relacionadas