Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis

Acuario

Cunhas instalacións completamente renovadas, o acuario ofrece un espazo para o deseño de experimentos esenciais con animais nun contexto ético e acolledor para os animais.

O servizo de Acuario (tamén coñecido como SACUIM) conta con diverso persoal técnico especializado no coidado e benestar dos organismos mariños usados para experimentación. Este persoal conta cunha ampla experiencia e formación e é capaz de avaliar e dar apoio ao persoal investigador no deseño e execución de proxectos que implican experimentación con animais.

O equipo do SACUIM traballa con peixes e moluscos, tales como o peixe cebra, o rodaballo, os cefalópodos e os mexillóns. Do mesmo xeito, conta coa infraestrutura necesaria para producir e almacenar especies de fito e zooplancto que se usan como alimento para peixes e moluscos.

Se desexas saber máis sobre os esforzos do Instituto por garantir unha experimentación con animais responsable e sobre como coidamos os animais, preme no seguinte botón.

Órgano de Experimentación e Benestar Animal (OEBA)

Cunha superficie de 300 m2, o acuario está dividido en varias salas separadas e tanto paredes como chans están convenientemente equipados con materiais axeitados para o traballo en húmido. Todas as salas contan con subministro de auga doce, auga mariña fría e quente (filtrada ata as 10 μm) e auga crúa (filtrada ata as 50 μm), ademais de con aire acondicionado filtrado e cun sistema de contención de fugas. Tamén dispón dun sistema de pretratamento de augas residuais con ozono que cumpre cos límites establecidos pola normativa.

Estas instalacións singulares considéranse un centro de cría e uso de animais experimentais baixo o código REGA ES360570202001 e sometéronse a unha recente remodelación e actualización grazas a unha axuda destinada a infraestruturas científicas e tecnolóxicas cofinanciada con fondos FEDER (CSIC13-1E-2049 2012-2013).

Tarefas principais

  • Alimentar, tratar e coidar os animais que se atopan nas instalacións, garantindo as condicións axeitadas para o desenvolvemento e benestar de cada especie.
  • Rexistrar as altas e baixas dos animais e os procedementos levados a cabo: número de individuos e especie á que pertencen, entradas e saídas, nacementos, mortes, tratamentos administrados, etc.
  • Dar apoio ao persoal investigador do IIM-CSIC nos procedementos con animais para experimentación, de acordo tanto coa normativa interna (OEBA) como coa correspondente lexislación externa.
  • Dar mantemento ás infraestruturas técnicas dos sistemas de acuario, tales como bombas, aireadores, filtros, lámpadas ultravioletas, limpeza de filtros de perlón, iluminación, aire acondicionado, etc. en coordinación co Servizo de Mantemento do Instituto.

 

Equipo

More
Máis información
Experimentación e benestar animal
Ponte en contacto

Responsable: Rubén Chamorro

sacuim@iim.csic.es | ext. 860199