Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
19 decembro 2022
Sociedade

O IIM-CSIC: 7 décadas navegando pola investigación mariña en Galicia

Cartel do evento do 70 aniversario do IIM-CSIC

*Por motivos de prevención, vémonos na obriga de aprazar este evento. Anunciaremos a nova data o máis pronto posible!

O Instituto de Investigacións Mariñas do CSIC, en Vigo,  retransmitirá próximamente*, o evento “O IIM-CSIC: 7 décadas navegando pola investigación mariña en Galicia”.

O pasado 3 de outubro fixéronse 70 anos da fundación do Instituto de Investigaciones Pesqueras do CSIC (institución da que saiu o IIM-CSIC e outros 5 centros mariños do CSIC). Neste evento o Instituto quere facer un breve repaso aos seus 70 anos de historia, aos cambios que se deron no mundo da ciencia mariña dende a perspectiva das persoas que formaron parte da comunidade do IIM durante estas 7 décadas en Vigo.

Programa

O programa contará coa participación do Dr. Ricardo Prego, investigador no IIM e co-autor do libro “El Instituto de Investigaciones Pesqueras: Tres décadas de historia de la investigación marina española“, así como dalgunhas das figuras que pasaron por este centro nas súas 7 décadas en Vigo.

Podes descargar o programa completo aquí.

  • 12:00h – Benvida e introdución
    • Luisa Martínez Lorenzo – UCC da Delegación do CSIC en Galicia
  • 12:10h – Charla histórica
    • Dr. Ricardo Prego – IIM-CSIC
  • 12:40h – Mesa Redonda | 7 décadas de…
    • Modera: Luisa Martínez Lorenzo
      • Participan:
        • Pilar González Fernández – Investigadora do IIM-CSIC ata 2014
        • José Manuel Abuín – Director do IIP-CSIC de Vigo (1978-1982) e investigador ata 2014
        • Mª Ángeles  García Calvo – Técnica de Biblioteca e Documentación ata 2014
        • Miguel Anxo Murado García – Director do IIP-CSIC de Vigo (1983-1987) e profesor de investigación ata 2013
  • 13:40h – Rolda de Preguntas e respostas
  • 14:00h – Peche da Xornada

Parte da Semana da Ciencia e a Tecnoloxía

O evento conta coa colaboración da Delegación do CSIC en Galicia e realízase no marco da Semana da Ciencia e a Tecnoloxía do CSIC, así como da celebración conxunta de 70 aniversario do Instituto de Investigaciones Pesqueras del CSIC.

Terá lugar no Salón de Actos do IIM-CSIC, en Bouzas. Animámosvos a asistir telemáticamente a este evento e a coñecer un pouco máis da historia e do legado do noso Instituto, unha historia que é testemuña dos fondos cambios que se deron na investigación mariña feita en Galicia e que marcou moitos dos camiños que hoxe estámos a decorrer os que traballamos neste eido da ciencia.

More
Share