Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Imagen de

Luisa
Martinez
Lorenzo

Representante de persoal
Soporte técnico e estratéxico
Grupo estratéxico / Asesoramento
Correo electrónico (email)
luimar@iim.csic.es
Teléfono
986 23 19 30

Biografía

Son Dra. en Ciencia do Mar e desde o ano 2007, dedícome á Cultura Científica como Responsable da UCC do CSIC en Galicia. Deseño, coordino e participo en accións de divulgación científica e son poñente en cursos e eventos de comunicación social da ciencia . No eido das publicacións teño participado na elaboración de recursos didácticos como as unidades didácticas da Exposición “La esfera del agua” (CSIC 2013) ou nos paneis divulgativos do proxecto “Ciencia en el Puerto” (CSIC, edicións 2007 e 2018). Autora do libro “Puf! Vaia peido!” da editorial Galaxia e desde 2019 directora da colección de divulgación científica “Lanterna de Aristóteles”. Entendo a alfabetización científica como unha emerxencia social, nestes tempos nos que continuamente temos que tomar decisións sobre temas vinculados á ciencia e a tecnoloxía, que poden afectar de xeito fundamental a nosa vida e a da comunidade. O público obxectivo nesta tarefa é toda a sociedade. Os formatos, os espazos, as vías de achegamento e os enfoques son infinitos. Encántame explorar as aproximacións a través da cultura: literatura, teatro, ilustración, audiovisual,... pero teño claro que hai actividades de base, mais tradicionais e se cadra menos vistosas, como as charlas nas escolas ou as visitas aos centros de investigación, que son imprescindibles e non se poden esquecer. A miña paixón e a divulgación da ciencia mariña. Pola miña formación como oceanógrafa, pero tamén pola fonda vinculación que teño co IIM e co seu persoal.

Proxectos relacionados