Capacidades e produtos de innovación

Morbidostat é un dispositivo de cultivo continuo controlado por ordenador que axusta automaticamente a concentración de fármacos para manter constante a inhibición do crecemento en cultivos microbianos. A medida que as bacterias adquiren mutacións que lles confiren resistencia aos fármacos, son capaces de tolerar meirandes concentracións dos devanditos fármacos e de medrar máis rapidamente, eliminando así a presión selectiva, que é a forza impulsora da evolución. Para compensar este mecanismo, Morbidostat aumenta a concentración do fármaco o suficiente para manter a taxa de crecemento orixinal das bacterias, mantendo así a presión selectiva ao longo do tempo. O sistema permite adquirir datos para modelar a evolución microbiana baixo estrés por axentes antimicrobianos, optimizar as estratexias de dosificación de biocidas e desenvolver cepas de alta resistencia a axentes antimicrobianos utilizadas para analizar a eficacia de novos biocidas, entre outras aplicacións.  

MEIGO é un kit de ferramentas para optimización global que inclúe unha serie de métodos metaheurísticos, así como un método de inferencia bayesiana para estimación de parámetros.

Podes atopar máis información aquí.

Desenvolvemento de etiquetas intelixentes para os alimentos baseadas en modelos de oxidación, crecemento microbiano, etc. que permitan a quen os consume saber cando os alimentos xa non son aptos para o seu consumo, axudando a evitar o desbaldo de alimentos, e que informen sobre a súa frescura, temperatura do paquete, etc.

SSm GO é un kit de ferramentas en Matlab con varios algoritmos de optimización global para problemas de optimización non lineais (NLP e MINLP) que utilizan procura dispersa.

Podes atopar máis información aquí.

Desenvolvemento de métodos e tecnoloxías non invasoras (como a tecnoloxía de toma de imaxe hiperespectral) para inspeccionar a calidade dos produtos alimentarios.

Código Matlab para desenvolver simulacións e optimizar o deseño de envases utilizando axentes antimicrobianos naturais (carvacrol) para a pescada (Merluccius merluccius). Ademais, considérase o uso de diferentes polímeros como posibles materiais de envasado activo.

Podes atopar máis información aquí.

DOTcvpSB é un kit de ferramentas escrito en MATLAB que utiliza o método de parametrización do vector de control (CVP) para manexar problemas de optimización dinámica enteiro-mixtos. DOTcvpSB aplicouse con éxito a diversos problemas en bioloxía de sistemas e enxeñaría de bioprocesos.

Podes atopar máis información aquí.

Modelaxe a múltiples escalas para flexibilizar a toma de decisións e optimizar procesos complexos (p. ex., esterilización) baseado no control da seguridade e calidade dos produtos alimentarios mediante técnicas non invasoras (sensores de software, etc.).

Este modelo desenvolveuse e aplicouse por parte de integrantes do Grupo de Traballo da EFSA sobre o transporte e almacenamento de produtos pesqueiros frescos durante o traballo de preparación da Opinión Científica do Comité de Riscos Biolóxicos (BIOHAZ) sobre o uso de cubas para transportar e almacenar produtos pesqueiros frescos (EFSA-Q-2019-00053). Aplicouse a modelaxe de transferencia de calor para estimar a temperatura superficial do peixe durante os procesos relacionados coa temperatura: arrefriamento e posterior mantemento da temperatura refrixerada do peixe (proceso de "arrefriamento") e/ou mantemento da temperatura refrixerada (proceso de "mantemento") do peixe sobre xeo (en caixas) comparado co peixe en auga con xeo (en cubetas) baixo as mesmas condicións de transporte e almacenamento.

Podes atopar máis información aquí.

Un kit de ferramentas de software de apoio para a análise de distinguibilidade de modelos de redes de reaccións químicas (CRN).

Podes atopar máis información aquí.