Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Biological Systems and Process

Estudo e modelaxe de biosistemas e bioprocesos

Descubrir e comprender as complexas interaccións que determinan os procesos dentro das células, tecidos e organismos que funcionan coma un sistema permite levar a cabo un estudo integral dos procesos con mediación biolóxica, o que se coñece como enfoque de bioloxía de sistemas. Polo xeral, isto implica redes inter e intracelulares e pódese aplicar a unha gran variedade de sistemas, incluídos algúns que poden ter efecto sobre a nosa saúde e nutrición.

O IIM-CSIC aplica unha estratexia interdisciplinaria e fundamental para o estudo dos sistemas biolóxicos relevantes para a saúde humana e animal, a seguridade alimentaria, a calidade dos alimentos e a nutrición.

As observacións experimentais integrais das dinámicas da fisioloxía celular, a expresión xénica, a composición de proteínas e metabolitos e as interaccións entre distintos compoñentes celulares constitúen os datos de entrada para a análise integral de datos. Os modelos matemáticos a escalas axeitadas axudan a contextualizar os datos e a predicir o comportamento de sistemas biolóxicos. 

O noso enfoque interdisciplinario xera novos coñecementos biolóxicos fundamentais, que en última instancia se traducen en melloras na seguridade e calidade dos alimentos, nunha optimización dos bioprocesos e, finalmente, nunha mellor saúde humana.

Grupos de investigación

Proxectos activos

Liñas de investigación relacionadas

More
Dentro desta liña de investigación
Grupos de investigación Proxectos de investigación Liñas de investigación relacionadas