Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Marine Life and Ecosystems

Enfoque ecosistémico das pesquerías e da acuicultura

As pesquerías e a acuicultura enfróntanse a moitos retos que diminúen a súa potencial contribución ao desenvolvemento sostible. Abordar estes problemas require de novos xeitos de xestionar ámbolos dous sectores. 

Por unha banda, as pesquerías deben deixar de se xestionar segundo un enfoque de especie única e pasar a ter en conta as súas interaccións con todo o ecosistema para fomentar un uso sostible do propio sistema. Do mesmo modo, a acuicultura debe ter en conta o seu potencial de interactuar de forma intensa co ecosistema. Tanto as instalacións acuícolas en terra como as instalacións mariñas poden alterar a integridade do ecosistema, o que debe abordarse dende un punto de vista holístico.

O obxectivo desta liña de investigación é que quen xestiona a pesca e a acuicultura conte coa mellor información científica dispoñible para garantir a conservación e xestión eficiente dos recursos acuáticos vivos, contribuíndo así ao desenvolvemento sostible.

Esforzámonos por aplicar un enfoque ecosistémico á xestión dos recursos mariños, ao tempo que levamos a cabo unha avaliación integral dos ecosistemas para mantelos nun estado saudable, produtivo e resiliente; un estado no que poidan proporcionar os servizos que necesita a nosa sociedade.

Para isto, centrámonos en desenvolver e aplicar modelos multiespecíficos e de ecosistema, investigar as respostas adaptativas inducidas pola pesca e mitigar os descartes. Estudamos cales son os mellores mecanismos para aplicar o enfoque ecosistémico en acuicultura, incluído o desenvolvemento da acuicultura multitrófica. Por último, ofrecemos asesoramento científico ás entidades de xestión, aos sectores produtivos dependentes do mar e a terceiros países a través de programas de cooperación internacional.

Grupos de investigación

Proxectos activos

Liñas de investigación relacionadas

More
Dentro desta liña de investigación
Grupos de investigación Proxectos de investigación Liñas de investigación relacionadas