Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Biological Systems and Process

Alimentos do océano: trazabilidade, saúde e seguridade

A nutrición, a seguridade alimentaria e o desenvolvemento sostible de sistemas alimentarios están entre as máximas prioridades da Axenda para o Desenvolvemento Sustentable.  Unha dieta sostible e nutritiva poderá garantir un futuro máis saudable para a humanidade e diminuír o risco de doenzas crónicas non infecciosas, ao tempo que asegura un uso eficiente dos recursos. Para acadar un progreso real, debe haber unha colaboración entre varias disciplinas científicas para protexer a saúde pública e o medio ambiente.

O océano, debido ao seu importante papel como fonte de alimentos, non pode ficar fóra desta tarefa. O consumo de peixe, marisco e outros produtos do mar achega diversos beneficios para a saúde, que converten a estes produtos en chave para atinxir os obxectivos propostos.

A nosa investigación pretende desenvolver e utilizar novas tecnoloxías como a multiómica, os sensores, a tecnoloxía blockchain, algunhas tecnoloxías de procesamento emerxentes ou a modelaxe preditiva para xerar valor ao logo da cadea de subministración de produtos do mar. 

Ao mesmo tempo que creamos este valor engadido, garantimos un sistema alimentario respectuoso co medio ambiente que integra a seguridade e a calidade dos alimentos, xerando así confianza e transparencia de cara ás persoas que os consumen. 

Abordamos os problemas causados por microorganismos, alérxenos alimentarios e outros riscos emerxentes para atinxir a seguridade alimentaria. Do mesmo xeito, mantémonos alerta para protexer as persoas consumidoras fronte ao fraude alimentario e para achegar novas formas de garantir a trazabilidade dos produtos. O noso traballo nesta liña tamén contempla o deseño, seguimento e optimización do procesamento dos alimentos, ao mesmo tempo que provemos novas solucións centradas na saúde humana.

Grupos de investigación

Proxectos activos

Liñas de investigación relacionadas

More
Dentro desta liña de investigación
Grupos de investigación Proxectos de investigación Liñas de investigación relacionadas