Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Oceanic and Coastal Systems

Cambio global e outros impactos antropoxénicos sobre o océano

O sistema terrestre está e estivo sempre suxeito a profundos cambios globais ao longo de toda a súa historia. No pasado, ciclos naturais como as variacións solares, os cambios na órbita da Terra ou a tectónica de placas foron as causas principais destas alteracións. Na actualidade, na época do Antropoceno, hai probas contundentes de que un novo factor se converteu no principal impulsor de cambios a escala planetaria; este factor é a demanda crecente de recursos e a cada vez maior xeración de refugallos por parte da poboación humana.

A actividade antropoxénica necesaria para cubrir as demandas da sociedade actual ten un impacto a escala planetaria sobre o sistema terrestre, dando como resultado un Cambio Global que tamén pasa factura aos océanos. Ademais, a aceleración do Cambio Climático e a crecente contaminación mariña rematan por elevar o risco tanto para os ecosistemas da Terra como para as sociedades humanas. 

Comprender o impacto do Cambio Global e da actividade humana sobre zonas mariñas a nivel local, así como os riscos que supón para os recursos naturais e servizos ecosistémicos locais, non soamente é chave para a avaliación de riscos, senón que tamén pode axudar a entender e facer seguimento dos cambios a escala mundial. 

No IIM-CSIC investigamos diferentes aspectos destas interaccións entre impactos e riscos nun contexto tanto local como global. O estudo do quecemento global, o aumento do nivel do mar, os cambios na circulación oceánica e nos patróns climáticos, a acidificación e desosixenación dos océanos, os cambios nos ciclos bioxeoquímicos e as variacións na presenza de terras raras (TR), metais pesados e metais traza permítenos ter unha visión holística do sistema e fornécenos das ferramentas e respostas axeitadas cara aos cambios actuais e futuros.

 

Grupos de investigación

Proxectos activos

Liñas de investigación relacionadas

More
Dentro desta liña de investigación
Grupos de investigación Proxectos de investigación Liñas de investigación relacionadas