Medidas antifraude no IIM

O persoal da administración pública deberá desempeñar con dilixencia as tarefas que lle sexan asignadas e velar polos intereses xerais con subxección e observancia da Constitución e do resto do ordenamento xurídico, e deberán actuar de acordo aos seguintes principios: obxectividade, integridade, neutralidade, responsabilidade, imparcialidade, confidencialidade, dedicación ao servizo público, transparencia, exemplaridade, austeridade, accesibilidade, eficacia, honradez, promoción da contorna cultural e medioambiental e respecto á igualdade entre mulleres e homes, que inspiran o Código de Conduta do persoal da administración pública configurado polos principios éticos e de conduta regulados nos artigos seguintes.

Os principios e regras establecidos neste capítulo informarán a interpretación e aplicación do réxime disciplinario do persoal da administración pública.

1. O persoal da administración pública respectará a Constitución e o resto de normas que integran o ordenamento xurídico.
2. A súa actuación perseguirá a satisfacción dos intereses xerais da cidadanía e fundamentarase en consideracións obxectivas orientadas cara á imparcialidade e o interese común, á marxe de calquera outro factor que exprese posicións persoais, familiares, corporativas, clientelares ou calquera outra que poida colidir con este principio.
3. Axustarán a súa actuación aos principios de lealdade e boa fe coa Administración na que presten os seus servizos e con todo o persoal encargado da súa supervisión, persoal do seu mesmo nivel e persoal subordinado, así como coa cidadanía.
4. A súa conduta basearase no respecto dos dereitos fundamentais e liberdades públicas, evitando toda actuación que poida producir discriminación algunha por razón de nacemento, orixe racial ou étnica, xénero, sexo, orientación sexual, relixión ou conviccións, opinión, discapacidade, idade ou calquera outra condición ou circunstancia persoal ou social.
5. Absteranse naqueles asuntos nos que teñan un interese persoal, así como de toda actividade privada ou interese que poida supor un risco de xerar conflitos de intereses co seu posto público.
6. Non contraerán obrigas económicas nin intervirán en operacións financeiras, obrigas patrimoniais ou negocios xurídicos con persoas ou entidades cando poida supor un conflito de intereses coas obrigas do seu posto público.
7. Non aceptarán ningún trato de favor ou situación que comporte privilexio ou vantaxe inxustificada, por parte de persoas físicas ou entidades privadas.
8. Actuarán de acordo cos principios de eficacia, economía e eficiencia, e vixiarán a consecución do interese xeral e o cumprimento dos obxectivos da organización.
9. Non influirán na axilización ou resolución de trámite ou procedemento administrativo sen xusta causa e, en ningún caso, cando iso comporte un privilexio en beneficio de titulares dos cargos públicos ou do seu ámbito familiar e social inmediato ou cando supoña un menoscabo dos intereses de terceiras persoas.
10. Cumprirán con dilixencia as tarefas que lles correspondan ou se lles encomenden e, no seu caso, resolverán dentro de prazo os procedementos ou expedientes da súa competencia.
11. Exercerán as súas atribucións segundo o principio de dedicación ao servizo público absténdose non só de condutas contrarias a el, senón tamén de calquera outra que comprometa a neutralidade no exercicio dos servizos públicos.
12. Gardarán secreto das materias clasificadas ou outras cuxa difusión estea prohibida legalmente, e manterán a debida discreción sobre aqueles asuntos que coñezan por razón do seu cargo, sen que poidan facer uso da información obtida para beneficio propio ou de terceiras persoas, ou en prexuízo do interese público.

1. Tratarán con atención e respecto á cidadanía, ao persoal encargado da súa supervisión e a todo o resto do persoal público.
2. O desempeño das tarefas correspondentes ao seu posto de traballo realizarase de forma dilixente e cumprindo a xornada e o horario establecidos.
3. Obedecerán as instrucións e ordes profesionais do persoal encargado da súa supervisión, agás cando constitúan unha infracción manifesta do ordenamento xurídico, en cuxo caso as porán inmediatamente en coñecemento dos órganos de inspección procedentes.
4. Informarán a cidadanía sobre aquelas materias ou asuntos que teñan dereito a coñecer, e facilitarán o exercicio dos seus dereitos e o cumprimento das súas obrigas.
5. Administrarán os recursos e bens públicos con austeridade, e non os utilizarán en proveito propio ou de persoas achegadas. Terán, así mesmo, o deber de velar pola súa conservación.
6. Rexeitarán calquera agasallo, favor ou servizo en condicións vantaxosas que vaia máis aló dos usos habituais, sociais e de cortesía, sen prexuízo do establecido no Código Penal.
7. Garantirán a constancia e permanencia dos documentos para a súa transmisión e entrega aos seus posteriores responsables.
8. Manterán actualizada a súa formación e cualificación.
9. Observarán as normas sobre seguridade e saúde laboral.
10. Porán en coñecemento do persoal encargado da súa supervisión ou dos órganos competentes as propostas que consideren axeitadas para mellorar o desenvolvemento das funcións da súa unidade de destino. A estes efectos, poderase prever a creación da instancia axeitada competente para centralizar a recepción das propostas do persoal público ou administrado que sirvan para mellorar a eficacia no servizo.
11. Garantirán a atención á cidadanía na lingua que se lles solicite, sempre que sexa oficial no territorio.

O Servizo Nacional de Coordinación Antifraude (SNCA), unidade dependente da Intervención Xeral da Administración do Estado (IGAE) pertencente ao Ministerio de Facenda, puxo en marcha medidas específicas para loitar contra o fraude baseadas en avaliacións recentes do risco de fraude. A SNCA é tamén o órgano encargado de coordinar as accións encamiñadas a protexer os intereses financeiros da Unión Europea contra o fraude en colaboración coa Oficina Europea de Loita contra o Fraude (OLAF). Para facilitar a detección do fraude, a SNCA creou unha serie de procedementos e protocolos específicos para informar de calquera irregularidade ou sospeita de fraude, que pode notificarse por correo electrónico (fraude-ferder-sginn@ciencia.gob.es), e garante a súa total confidencialidade e investigación.

Para ver máis información sobre transparencia e protocolos xerais antifraude, preme aquí.