Proceso de selección da Dirección del IIM-CSIC

[As datas do calendario, así como o titular da Secretaría de Claustro, foron modificadas a data de 22/04/2024]

Comeza o proceso selectivo para a Dirección do Instituto de Investigación Mariñas de Vigo (IIM-CSIC).

Requirimentos para presentarse

Poderá concorrer persoal investigador doutor de recoñecido prestixio que posúa a idoneidade e cualificación profesional axeitadas para o exercicio das funcións propias do posto, podendo ser persoal propio pertencente ao CSIC ou persoal externo vinculado ao CSIC mediante un convenio ou outro instrumento que o prevea. Para iso deberán seguir o seguinte proceso e calendario, e utilizar os modelos de documentación que se indican nesta páxina.

Requirimentos para o contido da candidatura

Todas as solicitudes deberán presentar a seguinte documentación. Deberán seguir os modelos, dispoñibles para descargar nesta páxina, segundo se indica.

1. Carta de presentación segundo modelo establecido (I), explicando a motivación para ocupar a dirección do instituto, destacando aquelas calidades que considera que demostran a súa aptitude para o posto.

2. Curriculum Vitae (CV) completo..

3. Proxecto de Dirección Detallado, seguindo o modelo establecido (II), co seguinte esquema:

• Análise da situación, misión e visión do Instituto (en liña, a título orientativo, cos apartados incluídos no Plan Estratéxico do CSIC vixente).
• Análise DAFO e perspectiva a curto e medio prazo.
• Programa científico, incluíndo retos e resultados esperados, estratexia proposta e accións a levar a cabo.
• Programa de xestión, tendo en conta a situación económico-administrativa do Instituto.
• No caso de tratarse dunha candidatura que se volva a presentar e que xa exercera a dirección, engadirase un informe sobre os resultados obtidos e o cumprimento dos obxectivos propostos na súa candidatura anterior.

Proceso e calendario

• 19/02/2024 - A Xunta de Instituto comeza o proceso de selección.
• 23/02/2024 - Publicación da futura vacante na web do IIM e do CSIC. Apertura do prazo de presentación de solicitudes. Debe incluírse toda a documentación recollida no epígrafe "Requirimentos para o contido da candidatura".
• 25/03/2024 - Peche do prazo de presentación de solicitudes.
• 01/04/2024 - Xunta de revisión e certificación de candidaturas
• 02/04/2024 - As candidaturas presentadas póñense a disposición do Claustro.
• 10/04/2024 - Claustro para presentación de candidaturas, debate e achegas
• 12/04/2024 - Incorporación de achegas e publicación de proxectos actualizados.
• Do 15 ao 22 de abril de 2024 - Presentación de avais. Os avais presentaranse á secretaria do Claustro (Dr. Alejandro Garrido Maestu), individualmente e de forma motivada pero anónima, seguindo o modelo (III) establecido. Poderase avalar un ou varios dos proxectos presentados polas diferentes candidaturas.
• 24/04/2024 - Informe das persoas designadas polo Claustro para contabilizar os avais e resumir os motivos neles expostos, seguindo o modelo establecido (IV).
• 25/04/2024 - Reunión da Xunta e emisión de informe, seguindo modelo establecido (V) e tras recoller a opinión dos grupos de investigación e dos responsables dos departamentos, servizos e xerencia.

Modelos de documentación a presentar