TFM | Estudo en ecoloxía pesqueira como Traballo Fin de Máster
O Instituto de Investigacións Mariñas do CSIC de Vigo (IIM-CSIC) ofrece un proxecto para realizar un Traballo de Fin de Máster (TFM) dentro do grupo de Ecoloxía e Recursos Mariños.
O obxectivo deste proxecto é iniciar á persoa candidata na carreira investigadora, mediante a realización dunha estancia formativa de duración semestral que comezará en xaneiro do 2024.
As persoas interesadas deberán de estar inscritas nun programa de máster en Bioloxía Mariña, Conservación Mariña, Xestión Pesqueira Sostible, Xenómica e Xenética ou similar.
Por que o IIM?
O Instituto de Investigacións Mariñas (IIM-CSIC) é unha opción perfecta para o inicio da túa carreira investigadora. O IIM representa unha das principais institucións de investigación mariña a nivel estatal e forma parte de o Consello Superior de Investigacións Científicas (CSIC), principal organismo de investigación do país, cuarto en Europa e sétimo a nivel mundial.
O instituto ofrece unha contorna de investigación vivo e diverso, ideal para introducirse no mundo da ciencia. Somos un centro comprometido co impacto real na sociedade, creando novas redes de colaboración de forma activa grazas a nosas propias Unidades Estratéxicas de Internacionalización e Transferencia (IACIC) e Cultura Científica (UCC+I).
Traballa connosco e descobre, desde dentro, o mundo da investigación mariña!
Un proxecto para iniciarte na investigación.
O IIM-CSIC, como institución de investigación mariña dedicada ao desenvolvemento do coñecemento para o desenvolvemento sostible, realiza unha investigación multidisciplinar que responde os retos globais e ás inquietudes locais: permitindo unha comprensión integral e global dos ecosistemas mariños.
Supervisión e contacto: Fran Saborido (fran@iim.csic.es), Laura Casas (lauracasas@iim.csic.es) & Marina Parrondo (mparrondo@iim.csic.es).
Grupo: Ecología y Recursos Marinos
A raia ondulada é unha especie de elasmobranquio que habita nas áreas costeiras do leste e nordeste do océano Atlántico. Este raiforme é comercialmente explotado a pesar de ser clasificado como "ameazado" pola IUCN. Xa que a comprensión das interaccións tróficas é esencial para unha avaliación e xestión axeitadas dos recursos no ámbito da aproximación ecosistémica ás pesqueiras, propoñemos un Traballo de Fin de Mestrado dirixido a determinar a dieta desta especie.
Analizaranse os contidos estomacais de individuos seleccionados de ambos os sexos a través do rango de tallas para determinar a estratexia alimentaria de R. undulata. Empregarase un enfoque dual: unha clasificación das presas utilizando caracteres morfolóxicos e unha caracterización molecular por barcoding para determinar de forma cualitativa e cuantitativa os hábitos predadores da raia ondulada.
Requisitos: Estudante de mestrado en Bioloxía Mariña, Conservación Mariña, Xestión Pesqueira Sostible, Xenómica e Xenética ou similar.
Nota media igual ou superior a 7.5/10.
Data
O prazo para a presentación de solicitudes para a oferta do IIM-CSIC está aberto até o ⚠ 11 de decembro de 2023 ⚠.
Documentación solicitada
-
Curriculum Vitae (debe figurar a nota media).
-
Carta de motivación.
Para máis información, contactar coas persoas supervisoras ⏩ Fran Saborido, Laura Casas e Marina Parrondo