Ofertas de traballo e convocatorias abertas
Únete ao IIM-CSIC! Mira as convocatorias externas máis recentes, as pasadas e outras formas de te unires ao noso instituto.
En tanto que instituto público de investigación pertencente ao CSIC, o IIM ofrece moi boas condicións e beneficios para comezares, desenvolveres e impulsares a túa carreira; dependendo da convocatoria, atoparás postos en investigación, en xestión ou mesmo postos transversais estratéxicos, dende a comunicación á transferencia de coñecemento.
"A diversidade do Instituto de Investigacións Mariñas ofrece un ambiente enriquecedor que sen dúbida influíu sobre o meu enfoque investigador en todos estes anos."
- Profesora de investigación no IIM-CSIC
Para acceder aos traballos do IIM-CSIC, podes seguir unha das tres ligazóns que aparecen máis abaixo. En Convocatorias externas amósanse todos os postos vacantes ligados a convocatorias de financiamento externo que non dependen do Instituto.
Finalmente, animámoste a te inscribires e remitires o teu CV á Bolsa de traballo do CSIC, un paso que deberás dar de todos os xeitos se desexas formar parte do Consello. Unha vez que formes parte da lista, manterémoste ao día das nosas ofertas internas de traballo temporal, así como das nosas convocatorias de persoal, que son a forma de conseguir unha praza fixa no CSIC como persoal funcionario.
Visita o noso Portal de Estudos para ver as nosas estancias de formación, proxectos de fin de grao e de mestrado e outras oportunidades de formación.
