Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Biological Systems and Process

Nutrición e saúde humana

Os produtos do mar constitúen un compoñente chave para unha dieta saudable. A calidade nutricional dos produtos do mar, que xeralmente é alta, non só está relacionada coa súa achega de proteínas, senón que tamén ten relación principalmente co seu contido en ácidos graxos poliinsaturados, en especial omega 3, así como cunha serie de micronutrientes esenciais.

A inxestión de peixe relacionouse cunha redución dos riscos de doenza cardiovascular. Tamén hai probas de que o consumo de peixe se relaciona con riscos reducidos de diabetes tipo 2, trastornos cognitivos e alteracións do desenvolvemento do sistema nervioso en fetos e durante a infancia. A cada vez maior concienciación sobre a relación entre saúde e dieta, xunto cos avances en técnicas de análise de alimentos, doenzas relacionadas coa nutrición e técnicas -ómicas, xerou unha nova demanda por parte das persoas consumidoras: produtos de nutrición personalizada ou de precisión dirixidos a públicos obxectivo concretos.

Porén, os contidos de nutrientes difiren segundo a forma en que se produzan, procesen, preparen ou consuman os produtos do mar. O valor nutricional é moi variable e depende da especie, da orixe e da época do ano. Aínda que se están a producir melloras continuas nos pensos, o peixe de cultivo adoita presentar perfís nutricionais máis pobres có peixe salvaxe debido ás diferenzas na súa dieta. A súa calidade nutricional vese afectada tamén polo manexo trala extracción, o procesamento, o transporte e o envasado. As técnicas de conservación tamén inflúen no mantemento do seu valor nutricional orixinal. A trazabilidade é de novo crucial para garantir a calidade do produto e evitar o fraude alimentario.

Aínda que o valor nutricional do peixe está amplamente recoñecido, existen algunhas dúbidas sobre o seu consumo relacionadas co aumento da aparición de alerxias e intolerancias aos produtos do mar, así como con riscos indirectos relativos a contaminantes emerxentes ou ao desenvolvemento de resistencia a axentes antimicrobianos.

O IIM-CSIC conta cunha ampla experiencia no desenvolvemento de innovacións en colaboración coa industria alimentaria para facer fronte a todos estes retos. A continuación podes ver todas as nosas capacidades e servizos asociados.

Grupos de investigación

Capacidades

  • Patente | Procedemento para a extracción do ácido hialurónico do humor vítreo do peixe
    Biotecnoloxía Nutrición e saúde humana

    Autoría: Miguel Anxo Murado; María Montemayor Castroviejo; Marta López Cabo; María del Pilar González Fernández; Laura Pastoriza Enríquez

    Técnica para a preparación de ácido hialurónico (AH) a partir do humor vítreo do peixe para o seu uso en cosmética e en clínica. O proceso comprende a electrodeposición de proteínas e a súa diafiltración simultánea con recirculación total. Este procedemento permite a recuperación selectiva dos sedimentos impuros, a precipitación do AH e a solubilización de proteínas, xerando un AH cunha pureza superior ao 99,5 %. Podes ver información máis detallada premendo aquí.

     

     

    Grupos de investigación relacionados

    Microbioloxía e Tecnoloxía de Produtos Mariños Reciclado e Valorización de Residuos
  • Patente | Procedemento para a identificación de albacora ou bonito do Norte (Thunnus alalunga) en produtos de atún en conserva
    Industria alimentaria 4.0 Nutrición e saúde humana Biotecnoloxía

    Autoría: Carmen González Sotelo; Isabel Medina; Ricardo Pérez Martín; Javier Quinteiro Vázquez; Manuel Rey Méndez

    Técnica para a identificación de Thunnus alalunga en produtos de atún en conserva, que comprende a amplificación dun fragmento de 187 pb (BDR) do xene do citocromo b do ADN mitocondrial mediante o uso secuencial de dúas endonucleases. Isto permite diferencialo doutras especies utilizadas como sucedáneos de Thunnus alalunga en produtos enlatados. Podes ver información máis detallada premendo aquí.

     

     

    Grupos de investigación relacionados

    Bioquímica de Alimentos Química de Produtos Mariños
  • Patente | Procedemento para a identificación do zurdo liso (Auxis thazard) en conservas de zurdo liso
    Industria alimentaria 4.0 Biotecnoloxía Nutrición e saúde humana

    Autoría: Carmen González Sotelo; Isabel Medina; Ricardo Pérez Martín; Javier Quinteiro Vázquez; Manuel Rey Méndez

    Técnica para a identificación de Auxis thazard en produtos de peixe en conserva, que comprende a amplificación dun fragmento de 187 pb (BDR) do xene do citocromo b do ADN mitocondrial mediante o uso dunha endonuclease de restrición. Isto permite diferencialo doutras especies utilizadas como sucedáneos de Auxis thazard. Podes ver información máis detallada premendo aquí.

     

    Grupos de investigación relacionados

    Bioquímica de Alimentos Química de Produtos Mariños
  • Software | ACOmi: optimización por colonia de formigas de problemas de programación non lineais enteiro-mixtos (MINLP)
    Industria alimentaria 4.0 Nutrición e saúde humana Biotecnoloxía

    O método descríbese en Schlater, M., J. A. Egea y J. R. Banga (2009). Extended ant colony optimization for non-convex mixed integer nonlinear programming. Computers & Operations Research 36(7): 2217-2229.

    O software está dispoñible baixo petición (escríbenos se che interesa).

    Grupos de investigación relacionados

    Biosistemas e Enxeñaría de Bioprocesos
  • Marca rexistrada | Smart Fip: pesquerías 100 % sostibles con 0 % residuos
    Pesquerías Nutrición e saúde humana

    Smart Fip é unha marca rexistrada que certifica a aplicación dun sistema de control privado e voluntario sobre a avaliación do risco de parasitos en produtos pesqueiros ao longo de toda a cadea de valor. Smart Fip é un protocolo cognitivo e preditivo de inspección que se basea nunha serie de normas internacionais, protocolos científico-técnicos e ferramentas únicas que permiten a transformación dixital do sistema de inspección. Estes protocolos e estas técnicas de diagnóstico baséanse no biobanco europeo de mostras e moléculas mariñas de parasitos de interese biotecnolóxico, accesible para o IIM-CSIC. Ao aceptar a normativa de uso da marca, as empresas aplican un sistema fiable de inspección e clasificación para unha toma de decisións flexible, que permite aplicar solucións técnicas en distintos pasos do proceso e reducir a xeración de refugos alimentarios ao longo de todo o proceso.

    Grupos de investigación relacionados

    Ecoloxía e biodiversidade mariña

Servizos

Proxectos activos