Capacidades e produtos de innovación

Govocitos é un software libre de análise de imaxe que permite a determinación doada e precisa de parámetros reprodutivos en peixes a partir de imaxes histolóxicas. Aínda que se deseñou para a estimación da fertilidade en peixes, as súas aplicacións son ampliables a outros problemas de reconto, medida e clasificación (p. ex., reconto de pole, oncoloxía e citoloxía, etc.).

Podes atopar máis información aquí.

Facer seguimento da distribución temporal e espacial das especies, a abundancia e a biomasa de diversos taxons mediante diversas técnicas como e-ADN, caracterización de pigmentos, citometría de fluxo, telemetría acústica, toma de imaxes mediante sistemas de observación remota (p. ex., drons, etc.) ou identificación taxonómica clásica.

Desenvolvemento de ferramentas específicas para espazos concretos que permitan a avaliación, xestión e toma de decisións baseada na modelaxe dos impactos de escenarios ambientais actuais e posibles escenarios futuros (contaminación, cambio climático, etc.) sobre as condicións oceanográficas, a distribución da biodiversidade, a resposta fisiolóxica ou o desempeño das pesquerías e a acuicultura.  

Desenvolvemento de algoritmos de Deep Learning que permiten automatizar os procesos de vixilancia das pesquerías e reducir o tempo e os custes en comparación co procesamento mediante observación humana. As aplicacións desenvolvidas van dende sistemas innovadores de vixilancia electrónica remota en tempo real, que identifican e cuantifican as capturas totais dos barcos de pesca (p. ex., iObserver), ata novas técnicas de recoñecemento de imaxe que permiten identificar os peixes a nivel individual e estimar parámetros poboacionais. 

Desenvolvemento de modelos de avaliación de stock para estimar o estado das poboacións de peixes e os valores de Rendemento Máximo Sostible das pesquerías a partir de datos de presión pesqueira e parámetros de dinámica de poboacións (abundancia, distribución, idade, fecundidade, etc.) obtidos mediante métodos tradicionais e técnicas -ómicas, que permiten unha resolución espacial moito maior. 

Uso de marcaxe acústica e de técnicas de biotelemetría para seguimento do comportamento dos peixes e avaliación da supervivencia das capturas incidentais da pesca.

Detección e identificación de patóxenos en animais salvaxes e de cultivo, así como en produtos do mar. Avaliación da relación entre a incidencia de patóxenos e diversos aspectos medioambientais e fisiolóxicos para levar a cabo avaliacións do risco en relación con patóxenos obxectivo.

A definición e descrición dos ecosistemas que implican recursos mariños, en termos de escala, extensión, estrutura e funcionamento. Isto inclúe a caracterización dos aspectos espaciais, estruturais e funcionais dos ecosistemas mariño-costeiros como unidades básicas para a planificación ambiental de uso do territorio.

A avaliación do estado dos ecosistemas mariños, definida en termos de saúde ou integridade ambiental e establecida como aceptable para a sociedade, así como a avaliación das ameazas. Isto implica o uso de indicadores de extensión e condición do ecosistema.

Autoría: Miquel Planas Oliver; Alexandre Chamorro Valverde

Descrición: Desenvolvemento de procedementos de cultivo integrados para a produción industrial de cabalos de mar da especie Hippocampus reidi.